Reykjadalsá er lagleg og nett tveggja stanga laxveiðiá í uppsveitum Borgarfjarðar.  Hún á upptök sín við rætur Oks og liðast mjúklega um Hálsasveit og Reykholtsdal framhjá sögufrægum stöðum einsog Reykholti og Deildartunguhver.  Áin sameinast svo Flókadalsá og eiga þær saman ós í Hvítá skammt ofan við Svarthöfða.  

Veiðitímabilið er 20.6-30.9
Veitt er á 2 stangir
Fluga og maðkur er leyfilegt agn
Hirða má 2 laxa á dag á stöng en umfram það ber að sleppa öllum laxi
Veiðitími er 07:00-13:00 og 16:00-22:00 en eftir 15. ágúst 07:00-13:00 og 15:00-21:00

Nokkuð gott veiðihús er við ána með svefnrými fyrir fjóra.  Rafmagn er í húsinu, sem og heitt og kalt vatn og heitur pottur á verönd.

Meðalveiði síðustu 20 ára eru 176 laxar en hæst fór hún í 297 laxa árið 2013.
30 skráðir veiðistaðir eru við ána.