Með því að ýta á samþykkja eða halda áfram að nota vefinn samþykktir þú skilmála um vafrakökur (cookies). Frekari upplýsingar um vafrakökur má finna á allaboutcookies.org. Samþykkja
- Mýrarkvísl -
Karfan er tóm

Mýrarkvísl
Icelandic Fishing Guide
+354 660 1642
info@icelandfishingguide.com www.icelandfishingguide.com
Mýrarkvísl Mýrarkvísl Mýrarkvísl

Mýrarkvísl - Urriða og laxveiði


Mýrarkvísl er ein af hliðarám Laxár í Aðaldal. Eins og Laxá í Aðaldal er Mýrarkvísl þekkt fyrir háa meðalþyngd laxa og undurfagurt umhverfi. Mýrarkvísl rennur út í Laxá í Aðaldal um fjórum kílómetrum frá ósi Laxár. Þrátt fyrir að vera hliðará Laxár er varla hægt að segja að árnar séu líkar. Mýrarkvísl er frekar nett veiðiá sem þarf að fara nokkuð varlega að til að ná góðum árangri. Hún er rúmlega 25 kílómetra löng og á upptök sín í Langavatni. Það er lítið um miklar fyrirstöður í ánni fyrir laxinn fyrr en við Reykjafoss þar sem er laxastigi.


Veiðireglur

Veitt er á laxasvæðum frá 10. Júní til 20 September. Seldar eru stakar stangir í einn dag í senn frá hádegi til hádegis eða í hollum þar sem margar stangir eru seldar saman. Í apríl eru seldir heilir dagar frá morgni til kvölds og gisting fylgir ekki með. Seldar eru 4 stangir á dag.

Veiðitími morgunvaktar er frá kl. 7 til 13 og veiðitími kvöldvaktar er frá kl. 16 til 22 til og með 10. ágúst, en eftir það frá kl. 15 til 21.

Eingöngu er veitt á flugu í Mýrarkvísl og sleppa skal öllum laxi en heimilt að drepa urriða.

Svæði 1 Staðir 0,5 til 22
Svæði 2 staðir 23 til 36
Svæði 3 staðir 37 til 43
Svæði 4 staðir 44 til 54


Veiðihús

Gisting í glænýju veiðihúsi getur fylgt með veiðileyfunum sem ná yfir nótt.  Greiða þarf þó sérstaklega fyrir gistinguna, verðið er 7.500 kr á mann (óháð fjölda nátta),  innifalið er uppábúið rúm og þrif.  Nýja veiðihúsið er staðsett við sumarbústaðarlandið neðan við þverá á vegi 8852. Húsið er með 4 tveggja manna herbergjum sem öll eru með sér baðherbergi úti er pallur og heitur pottur.  Eitt herbergi með uppábúnu getur fylgt hverri stöng.   


Annað

Veiðimenn eru beðnir um að loka alltaf hliðum á eftir sér og aka ekki um tún og ótroðnar slóðir nema með leyfi landeigenda. Einnig eru veiðimenn beðnir um að sýna landeigendum og öðrum veiðimönnum tillitssemi, ganga vel um landið og skilja ekki eftir rusl við ána.

Veiðin síðsustu ár hefur verið á milli 100-200 laxar og 5-600 urriðar.

Ath: Mýrarkvísl er lítil og nett veiðiá og borgar það sig að nálgast veiðistaði með varkárni til að styggja ekki fiska en ekki má gleyma því að ef lax styggist er mjög líklegt að hann sé kominn á sama stað 30 mínútum seinna og er því mikilvægt að fara aftur yfir staðinn síðar.

Iceland Fishing Guide er leigutaki Mýrarkvíslar. Fyrir frekari upplýsingar hafið samband í síma 6601642 eða á netfang matti@icelandfishingguide.com info@icelandfishingguide.com


Skilmálar
Veiðileyfi fást ekki endurgreidd. Kaupandi skuldbindur sig til að skrá alla veiði samviskusamlega í þar til gerða veiðibók.
ATH – veiðibókin verður rafræn í sumar. 

Engin leyfi í boði Veiðibók Skrá veiði