Með því að ýta á samþykkja eða halda áfram að nota vefinn samþykktir þú skilmála um vafrakökur (cookies). Frekari upplýsingar um vafrakökur má finna á allaboutcookies.org. Samþykkja
- Fnjóská -
Karfan er tóm

Fnjóská
Stangaveiðifélagið Flúðir
fnjoska@fnjoska.is http://www.fnjoska.is
Fnjóská Fnjóská Fnjóská

Fnjóská - Lax- og silungsveiði í frábæru umhverfi


Fnjóská er 117 km að lengd, á upptök sín í Bleiksmýrardrögum og er ein vatnsmesta bergvatnsá landsins. Lax, sjóbleikja, urriði og staðbundin bleikja veiðist í Fnjóská en mest er um lax og sjóbleikju yfir veiðitímann. Veiði hefst 18. júní og stendur til 20. september og eru göngur hvað mestar um miðbik og seinnihluta júlímánaðar. Veiðistaðir í Fnjóská eru flestir stórir og víðáttumiklir og jafnt rennsli en jafnframt mikill straumur gerir ána að frábærri fluguveiðiá.

Stangaveiðifélagið Flúðir á Akureyri hefur haft Fnjóská á leigu óslitið síðan 1969.


Veiðireglur

Leyfilegt er að veiða á flugu og spón á öllum svæðum frá opnun árinnar og til hádegis 11. ágúst. Frá hádegi 11. ágúst er aðeins leyft að veiða á flugu á svæðum 2-4, en áfram má veiða á flugu og spón á svæði 1, og 5, og gildir það fyrirkomulag til lokunar árinnar.

Lax:
Sleppa skal öllum hrygnum, stórum sem smáum, eða setja þær í klakkistur.
Sleppa skal öllum hængum sem eru 70 cm eða stærri eða setja þá í klakkistur.
Leyfilegur hámarksafli á hverja stöng er 1 lax á hálfum degi. Eftir það má veiða á flugu og sleppa.

Bleikja:
Sleppa skal öllum bleikjum sem eru 50 cm eða stærri.
Leyfilegur hámarksafli á hverja stöng er 2 bleikjur á hálfum degi.
Ekki eru takmörk á öðrum silungi en bleikju.

Veiðitími:
Veiðitími morgunvaktar er frá kl. 7 til 13 og veiðitími kvöldvaktar er frá kl. 16 til 22 til og með 11. ágúst, en eftir það frá kl. 15 til 21.


Veiðihús

Veiðihús eru staðsett við Flúðasel. Veiðimenn sjá um sig sjálfir með mat, rúmföt, handklæði og þess háttar. 

Ekið er austur þjóðveg 1 frá Akureyri þangað til komið er yfir brúna neðan Vaglaskógs. Stuttu eftir að ekið er yfir brú er beygt til vinsti niður Fnjóskadal og er veiðihús um það bil 5 km frá gatnamótum á hægri hönd með skilti við afleggjara merkt Flúðum.


Annað

Veiðimenn eru beðnir um að loka alltaf hliðum á eftir sér og aka ekki um tún og ótroðnar slóðir nema með leyfi landeigenda. Einnig eru veiðimenn beðnir um að sýna landeigendum og öðrum veiðimönnum tillitssemi, ganga vel um landið og skilja ekki eftir rusl við ána.

Alla veiði á að færa í rafræna veiðibók Fnjóskár á Veiðitorg.is. Veiðibækur síðustu ára má sjá hér.

Stangaveiðifélagið Flúðir er söluaðili fyrir Fnjóská og má finna nánari upplýsingar og fróðleik á vefsíðu félagsins, www.fnjoska.is


Skilmálar
Veiðileyfi fást ekki endurgreidd. Kaupandi skuldbindur sig til að skrá alla veiði samviskusamlega í þar til gerða veiðibók.

Engin leyfi í boði Veiðibók Skrá veiði