Arnarvatnsá og Helluvaðsá eru ein og sama áin,  heitir Arnarvatnsá ofan til en neðar heitir hún Helluvaðsá.   Áin er hliðará Laxár í Mývatnssveit,  rennur úr Laxá, rétt ofan við Steinsrass og aftur í Laxá á móts við Brotaflóa um tveimur km neðar.  Á þessum tveggja  km kafla tekur Arnarvatnsá- Helluvaðsá á sig myndarlegan krók, svo úr verður um 5 km langt veiðisvæði.  

Áin er lítili og nett, og á löngum köflum mjög lygn.  Hún hefur hinsvegar oft að geyma gríðarlegt magn af fiski.  Á vorin safnast fiskurinn á fáa staði ofan til í ánni,  en þegar líður á sumarið dreifir hann sér um alla á.   

1. júní - 30. ágúst
12 tímar á sólarhring
2 stangir
Eingöngu fluguveiði (fly only)
Öllum fiski skal sleppt

Ekkert veiðihús

Litlar þurrflugur og púpur - gjarnan eitthvað sem svipar til mýflugna og púpa

300-500 fiskar veiðast á svæðinu árlega,  stærðin er 40-70 cm og er algeng stærð 45-55 cm.